Tilveran er ágæt

Suma daga dreymir mig gull og græna skóga, aðra raka og auða móa. Lífið er ljúfara í dag en oft áður. Hef til margs að hlakka til, mikils að vinna. Viðskiptaáætlunin mjakast áfram í rétta átt, stofnun fyrirtækis í augsýn. Finnland í næsta mánuði, frekar en ekki neitt. Laus úr ákveðnum höftum, og léttirinn er ljúfur. Nú tekur við tími endurreisnar og uppbyggingar. Njótið dagsins!

Lesa meira

Hot Stuff

Thanks to a good friend of mine, Brian, I have become a great fan of everything spicy. By spicy, I mean super hot chillies, those that border on blowing the Scoville scale. He introduced me to a whole new world of cuisine and peppers, their tastes and different effects on your palate. Trinidad Moruga Scorpion, Carolina Reaper, Red Thai, Chocolate 7-Pot, Naga Bhut Jolokia and Chocolate Habanero, just to name a few. Now, those who are not familiar with those names, let me assure you, they are going to burn your intestines and leave you in a smouldering pile – until you build up enough tolerance. Dan Lowenstein produces some awesome sauces, rubs, condiments and spreads. He is my number 1 go-to source for delicious and hot products. No additives, all natural....

Lesa meira

Að kveldi skal dag lofa

Stundum þarf ekki nema stakt orð til að skipta áttum. Undir slíkum kringumstæðum bera fæst orð minnstu ábyrgð, og til allrar lukku hefur mér tekist að lifa samkvæmt því. Sannleikanum er þó hver sárreiðastur, og fyrirgefning ekki á næsta leiti. Barnalæti fullorðins fólks hættir seint að undra mig. Annars ætlaði ég ekki að kvarta í þetta sinn, heldur dásama vin minn og konu hans í Pennsylvaníufylki í Bandaríkjunum. Ég mun dvelja hjá þeim í sex vikur, og þau hafa aldeilis útbúið dagskrá fyrir mig! Ýmsar uppákomur í grennd, vikudvöl í Maryland, „World’s Hottest Curry Challenge“ í New York borg, skoðunarferðir um sögufrægar slóðir eins og Gettysburg, Washington DC; kíkjum á Hershey’s, og svo mætti lengi telja. Það er því til margs að hlakka til...

Lesa meira

Dagarnir teknir snemma

Brá mér tvisvar í borg óttans í vikunni sem leið. Vaknaði kl. 5 að morgni til að fá far með Jóhannesi. Síðan þá hefur líkamsklukkan verið í tómu rugli, og ég vakna á milli 5:30 og 6:30 alla daga. Sem í sjálfu sér er alls ekki svo slæmt; fyrripartur dagsins nýtist mér oft betur, en sköpunargáfan þó yfirleitt ekki fyrr en líða tekur á kvöld. Almennt góðir dagar að undanförnu. Hitti gömlu vinnufélagana frá Þjóðskrá og RLS yfir hádegismat á fimmtudaginn. Seinnipartinn brá ég mér á kaffihús í góðum félagsskap og naut lífsins til fulls. Lundin léttist með hverjum deginum, enda nóg fyrir stafni. Höndin er á batavegi, en á þó enn langt í land með að verða nothæf sem áður fyrr. Góðir hlutir gerast hægt, en stundum vildi ég að hraða mætti ferlinu… Minn æðsti draumur...

Lesa meira

Borgarferð

Reif mig á lappir fyrir allar aldir í morgun, enda spennandi borgarferð framundan; klipping og fleira. Þvældist ögn um með mömmu, skoðuðum í búðarglugga, dáðumst að fögrum munum sem við höfum ekki efni á. Spjölluðum á léttu nótunum, nutum félagsskaps hvors annars. Svo kom að tímabundnum skilnaði. Ég settist að borði á Café Dix í Hamraborginni við aðra dömu, með kaffi og kakó. Nutum stundarinnar, skröfuðum og nutum þagnarinnar þess á milli. Það er ekki síður mikilvægt að geta setið í þögn með einhverjum, en að geta talað saman tímunum saman. Örlítið illa fyrirkölluð, bæði, en ég fann einhvern fiðring hríslast um mig. Notalegan. Fegurðin geislaði af henni; innri sem ytri. Mér leið eiginlega eins og Quasimodo að hitta Esmeröldu. Svo leið að klippingu, og mamma mætt...

Lesa meira

Bjartari tímar

Það er eilítið skrítið að sitja hér og skrifa svo opinskátt um líðan og atvik. Þetta hefði ég aldrei gert fyrir nokkrum árum. En með þessu fæ ég örlitla útrás; kannski áþekk því að tala við góðan sálfræðing (sem þó eru vandfundnir). Með þessum hætti, ásamt lyfjameðferðinni, hef ég náð býsna góðum árangri. Líðanin er mun betri, en vissulega koma dagar inn á milli sem ég óska þess heitast að hafa aldrei fæðst. Þeim fer þó sífellt fækkandi, til allrar lukku. Ég veit ekki hvar ég væri í dag ef ættingjar og vinir hefðu ekki stutt við mig, þrátt fyrir slæma framkomu og hegðun á köflum. Að vakna er sigur út af fyrir sig. Að fara á fætur er annar, og eins að klæða sig í föt. Þá tekur við um 14-16 tíma bið, þar sem ég reyni að hugsa jákvætt og gera eitthvað uppbyggilegt....

Lesa meira

Bakþankar

Það hendir sig æ oftar að ég lít aftur um farinn veg, og hugsa gjarnan með mér, hvað hefði ég getað gert betur. Niðurstaðan reynist alltaf sú sama; ekkert. Hefði ég breytt öðruvísi væri ég ekki sama persóna í dag. Reynslan skapar manninn, og almennt á litið tel ég mig ekki slæma manneskju. Vissulega hef ég mína bresti og fortíðardrauga líkt og aðrir. En það eru einmitt þessir andartaks valkostir sem skapa persónuna. Ég sé eftir ýmsu, en þó ekki. Tilfinningin er áþekk þeirri  að kaupa sér ís í brauði í stað heimilisbrauðs fyrir fjölskylduna. Skömm, eftirsjá, eigingirni, breyskleiki. Ég þrái ekkert meira en eðlilegt líf, með fjölskyldu og vinum, gegnum súrt og sætt. En það sem mér þykir sárast er hvernig ég hef komið fram við vini og ættingja á síðustu mánuðum. Hef...

Lesa meira